A candidata popular ve necesario actualizar o convenio de colaboración concello coa AECC en Lugo xa que se trata dunha entidade que atende a centos de doentes e aos seus familiares, atención que ofrecen de forma totalmente gratuíta.

A candidata popular explica que algunha das ferramentas que se poden impulsar dende o Concello de Lugo é declarar ‘espazos sen fume’ lugares como zonas verdes, os entornos dos centros educativos ou as marquesiñas dos buses, un xeito de protexer a saúde a través da prevención.

Elena Candia ve fundamental que o concello, como administración máis próxima ao cidadán, se involucre na creación e promoción de campañas contra o tabaquismo para facer de Lugo un municipio máis limpo e sen fume.