17 de abril de 2023
Elena Candia propón novas dotacións deportivas e mellorar o mantemento dos espacios públicos para o deporte
- Elena Candia manifestou que hai que mellorar o mantemento das instalacións deportivas cunha brigada que se encargue do mantemento diario das dotacións deportivas xa que “moitas veces os clubs e particulares nos trasladan que o deterioro impide a práctica de deportes de forma segura”
- A candidata popular reivindica que “a administración local debe dotarse de infraestruturas de primeira que dean respostas ás necesidades dos equipos e deportistas individuais, que están a colleitar éxitos admirables”.
- Temos que ser capaces de facer unha aposta clara e decidida para que calquera persoa, independentemente da súa idade, poida practicar deporte. Ademais da creación dun novo polideportivo municipal e de programas específicos para o fomento da vida activa, Elena Candia promoverá, se é elixida alcaldesa, un acordo cos propietarios do edificio da OJE (Organización Juvenil Española) para recuperar un espazo deportivo e cultural do centro de Lugo.
- Para facilitar a práctica (que toda a mocidade lucense poida ter acceso á práctica) do deporte federado, Elena Candia comprométese a crear bonos de axuda de 200 euros para deportistas de entre 6 e 18 anos que practiquen unha disciplina federada para a compra de equipamento deportivo.
- Elena Candia tamén fixo referencia a outras necesidades que lle plantexaron clubes e entidades, como a necesidade de cubrir a pista de petanca do parque de Frigsa ou a mellorar as instalacións deportivas que hai nas parroquias do rural
NOVAS DOTACIÓNS DEPORTIVAS
- Bibí Bouza explicou durante a súa intervención como é a xestión dun club de formación e a necesidade de contar coa axuda das administracións públicas para poder desenvolver esta actividade na que hai implicados centos de nenos e nencas cada día
- O nadador Mauro Rodríguez explicou como o deporte lle axudou na súa vida diaria para acadar unha inclusión plena en todos os sentidos, tanto deportivo como profesional
- Pola súa banda, Manolo Cadramón fixo un repaso a como as administracións públicas poden axudar aos clubs e deportistas individuais para que poidan realizar a súa actividade e acadar os seus obxectivos
- Finalmente, Enrique Rozas a todos os beneficios que pode ofrecer un padroado de deportes a toda a veciñanza, xa que a través deste tipo de entidades pode achegarse o deporte a toda a sociedade dun xeito sinxelo e áxil
- 2023. Lugo o Primeiro. Elena Candia