27 de abril de 2023
Elena Candia apoia a proposta de impulsar un museo da automoción histórica como atractivo turístico para os afeccionados ao motor
- Elena Candia comparte a petición da Asociación de que o proxecto que lle presentaron “sexa algo máis que un espazo de exposición” xa que abarcaría tamén “talleres de restauración ou a dixitalización da documentación histórica de pezas únicas que conservan particulares lucenses”
- A candidata popular afirma que os vehículos clásicos forman parte da historia da cidade e poden servir de elementos para contar como foi evolucionando a sociedade luguesa
- A candidata popular estudará a petición da entidade para bonificar o imposto de rodaxe a calquera vehículo con máis de 30 anos rexistrado no Concello de Lugo, xa que se trata dun patrimonio histórico a conservar
AXILIZACIÓN DE TRÁMITES
Elena Candia comprométese a respaldar o rally de vehículos históricos que todos os anos impulsa esta entidade e a axilizar a tramitación de permisos para organizar novas actividades ou eventos automobilísticos xa que son un reclamo para os afeccionados á historia da automoción e moven un volume importante de participantes chegados doutras provincias.
- 2023. Lugo o Primeiro. Elena Candia