Elena Candia: “a peza clave para o bo funcionamento do Concello é ter un persoal motivado e involucrado no proxecto de cidade”
- A alcaldable afirmou que cando chegue á alcaldía quere que haxa unha coordinación permanente e directa co cadro de persoal para eliminar disfuncións en determinados departamentos e deste xeito “quedará patente que o Concello ten grandes profesionais que ata o de agora fallaban por falta de dirección política”
- Nas reunións mantidas, tanto coa Xunta de Persoal como cos representantes dos traballadores laborais, Candia asumiu compromisos que lle plantexaron como “actualizar o convenio colectivo que data do ano 1991 así como o réxime interno do persoal” ao que sumará “a posta en marcha de medidas para a conciliación en todos os departamentos así como tamén regular o teletraballo”.
RESPECTAR OS AVANCES CONSEGUIDOS
A alcaldable indicou que “haberá unha maior dilixencia nos pagos de horas extras por servizos prestados a todos os traballadores de todos os servizos municipais” poñendo como exemplo de falta de xestión “os 8 meses que acumulan de retrasos por reforzos os axentes da policía local ou os 2 anos con respecto os abonos de certas retribucions, coma productividades ou os gastos que lles supoñen ir á formación da Academia Galega de Seguridade.
Elena Candia avanza que ademais de respectar todos os avances conseguidos “reforzará a plantilla da policía local para os novos servizos, co obxectivo de contar con suficientes axentes para a nova delegación da polícía local na zona norte e no casco histórico, así como para atender as necesidades actuais de ordenación policial da cidade e das distintas actividades e eventos que se desenvolven en Lugo”.
CONCELLO CERCANO
A popular concluiu que para o bo funcionamento do Concello hai que “contar cunha plantilla ben dimensionada e motivada e establecer responsabilidades claras e definidas que xeneren un entorno laboral eficaz e eficiente”.
Todas estas medidas son prioritarias para achegar a administración á veciñanza e poñer en marcha accións incluídas na liña de traballo do Concello cercano entre as que destaca “a eliminación da cita previa cunha atención telefónica e presencia mellorada así como a redución dos prazos de tramitación.
- 2023. Lugo o Primeiro. Elena Candia