A candidata do PP, Elena Candia, ve na mellora da conciliación “o piar básico para darlle resposta ao problema demográfico, o principal reto do Concello”. Para captar e reter a todas as persoas que queiran construír o seu futuro en Lugo, a popular comprométese a crear unha liña de axudas directas á natalidade e tamén subvencións de 200 euros para deportistas de entre 6 e 18 anos que practiquen unha disciplina federada e outras dese mesmo importe para alumnado de ensinanzas musicais. As primeiras destinaríanse á compra de equipamento deportivo e as segundas para a adquisición de instrumentos, de maneira que “o Concello apoiaría de xeito directo tanto ás familias luguesas como ao comercio local”.