• A candidata do PP subliñou que “tan importante como captar poboación moza que veña estudar en Lugo e decida logo quedarse aquí é reter á xente nova que xa vive aquí e incluso conseguir que volvan todas aquelas persoas que tiveron que marchar á procura das oportunidades laborais que non atopaban no seu espazo máis inmediato”.

• Para este último bloque de mozos e mozas, Elena Candia comprometeuse a impulsar o plan Retorna Lugo, que inclúe unha mellora da conectividade para o fomento do teletraballo dende o noso Concello e un estímulo ao regreso de persoas novas.

• Ademais, o seu proxecto de municipio tamén inclúe:

          – A construción de vivenda pública en solo municipal para que a mocidade poida emanciparse e quedarse a vivir en Lugo.

          – Un Plan Local de Saúde Mental pioneiro con unidades de prevención do acoso escolar, do suicidio e dos trastornos alimenticios.

          – A unión do Paseo do Miño e o do Rato para completar o cinto verde, así como a creación de zonas de baño públicas no río Miño.

          – Un Polo de Emprendemento na actual estación de autobuses

          – Protagonismo para a mocidade no programa de acompañamento Inviste Lugo, así como no Plan de Dinamización para o municipio.

           – Plans específicos de intervención conxunta en zonas de lecer nocturno para gozar da noite con máis seguridade.

            – Reforzo do Arde Lucus, Caudal Fest e San Froilán con actuacións de renome e ampliando a duración nun día para a primeira delas.

            – Intensificar a colaboración co Campus Terra (nova residencia universitaria, bolsas de prácticas remuneradas co Concello, etc.).