Candia quere reforzar a conexión e as achegas á sociedade luguesa do Campus Terra.
- A candidata visitou esta mañá o edificio cactus do Campus Terra para coñecer de primeira man os proxectos que desenvolven neste centro e avanza que o vindeiro 20 de abril manterá un encontro de traballo cos decanos e directores das facultades e escolas universitarias do Campus onde trasladará as súas propostas de Lugo Cidade Universitaria.
- Para a candidata popular é fundamental "aproveitar a oportunidade que supón, en termos económicos, de emprego, demográficos e de dinamización social, a consolidación do Campus Terra como un dos dous de especialización que hai en Galicia".
MARCA LUGO CIDADE UNIVERSITARIA
• Elena Candia quere potenciar a marca de Lugo Cidade Universitaria “que debe ser un elemento diferenciador para atraer estudiantado” manifestando que “o campus de Lugo ten moitísmas fortalezas para ser o lugar que elixa un mozo ou moza para facer a súa vida universitaria a partir de premisas coma a calidade de vida”.
• O concello debe apoiar o talento dos universitarios e do alumnado da FP creando novos espazos con viveiros de empresas para os recén titulados “teñen que ver ao concello como unha administración que tende a man para encontrar unha saída laboral”.
• Elena Candia manifestou que ademais de facilitar traballo “hai que apoiar á mocidade que vén a estudar ao noso campus habilitando unha liña de axudas para facilitar aos estudantes universitarios e de ciclos formativos alugueres de pisos ou doutro tipo de estancias”.
• A popular tamén avoga pola transferencia de coñecemento da Universidade á sociedade luguesa “o concello ten que aproveitar os seus recursos, o concello ten que participar e aproveitar a presenza do campus terra”.
• Por último a popular asume o compromiso de “liderar a batalla da mellora das infraestructuras, un elemento clave á hora de elixir estudar nun lugar ou noutro”.
- 2023. Lugo o Primeiro. Elena Candia