- Durante a súa intervención destacou que “Lugo ten que deixar de ser a cidade co IBI máis caro de toda Galicia” e tamén insistiu en que cando sexa alcaldesa “modificará o carril bici naqueles puntos da cidade cuxo trazado destroce barrios ou afecte á seguridade”
- A popular dixo que “Lugo ten un goberno de intervencións de pinta e colorea, sen ningún proxecto transformador, e en pelexa constante entre os 2 socios a ver quen peonaliza máis, con ou sen xeito, no que as persoas son a última da súa prioridade”
- A alcaldable agradeceulle “a Feijóo que volva a pór o sentido común na política nacional” e felicitou a Rueda “pola sensibilidade que tivo con Lugo nos orzamentos da Xunta para 2023”
A candidata do PP de Lugo, Elena Candia, empezou a súa intervención dando as grazas aos 700 asistentes ao acto afirmando que “coa vosa axuda somos unha forza imparable para acadar o cambio que Lugo necesita”. A alcaldable, a continuación, agradecía o apoio do presidente do Partido Popular de Galicia “pola sensibilidade que tivo con Lugo nos orzamentos da Xunta para 2023” e a “por volver a pór o sentido común na política nacional”.
Durante a súa intervención Elena Candia dixo que “Lugo ten que deixar de ser a cidade co IBI máis caro de toda Galicia” e tamén foi clara e manifestou que “se gobernamos modificaremos o carril bici naqueles puntos da cidade cuxo trazado destrozou barrios e está afectando á seguridade”. A alcaldable matizou que “porque me doe un Lugo no que os seus dirixentes permiten que a cidadanía perda todo: infraestruturas vitais, malgasto de fondos europeos con proxectos sen sentido ou que afectan de forma negativa a barrios e negocios”.
A candidada afirmou que “Lugo ten un goberno de intervencións de pinta e colorea, sen ningún proxecto importante nin transformador, e en pelexa constante entre os 2 socios a ver quen peonaliza máis, con ou sen xeito”.
Candia lamentou que “froito deste matrimonio de conveniencia as persoas son a última das súas prioridades, basta con ver as listas de espera no servicio de axuda no fogar”.
Traballo constante na rúa
A popular explicou que dende que tomou a decisión de presentarse ás eleccións municipais “estamos traballando con humildade, constancia e perseverancia visitando parroquia a parroquia, rúa a rúa, asociación a asociación”. Elena Candia comprometeuse a “facer nosas as vosas reivindicacións, facendo un proxecto con sentido común e sobre todo coas aportacións de todos”.
A candidata popular concluía apelando á necesidade que ten a cidadanía de contar “cunha administración colaboradora, que non deixe perder oportunidades como pasa agora no Concello de Lugo”. “Teño formación, teño experiencia, capacidade de traballo e sobre todo moitísima ilusión por devolver, a todos e cada un de vós, o traballo que levades feito por un Partido Popular mellor e por un Lugo máis grande”.
- 2023. Lugo o Primeiro. Elena Candia